FANAMBARANA
Manoloana ny zava-nitranga ny zoma 23 aogositra 2019 izay niteraka fahafatesan’olona tetsy Ampefiloha.
Ny Polisim-pirenena dia maneho etoana ny fialan-tsiny ary miondrika am-panajana sy miara-ory amin’ny fianakaviana niharam-boina.
Efa nisy ny fandraisana andrikitra, efa natao ny fanadihadiana, ny fanolorana teo anivon’ny fitsarana, ary dia efa any am-ponja ny nahavanona ny heloka.
Efa horaisina koa ny fepetra ara-pitsipi-pifehezana (Mesure Disciplinaire) manoloana ny zava-nisy.
Ny Polisim-pirenena dia manamafy etoana fa tsy miray tsikombakomba velively amin’ny fandikan-dalana, na inona na inona endriny, ary manome toky ny vahoaka fa hitandro hatrany ny tany tan-dalana amin’ny fanatanterahana ny asany.
Antananarivo, faha 27 aogositra 2019
Ny Minisitry ny filaminam-bahoaka
RAFANOMEZANTSOA Roger
Contrôleur Général de Police
